ME
NU
  • Isma' Ftit

301 sena mill-fondazzjoni tal-Istat ta’ San Marino



Bħal-lum 1720 sena ilu (fit-301), ġie fondat dak li llum huwa magħruf bħala l-Istat ta’ San Marino, jew inkella, ir-Repubblika Serenissima ta’ San Marino.


Dan huwa l-iżgħar pajjiż indipendenti fl-Ewropa wara l-Belt tal-Vatikan u Monaco. San Marino hija l-eqdem repubblika kostituzzjonali fid-dinja u tinkludi fi ħdanha madwar 33,000 ċittadin biss. Dan il-pajjiż żgħir huwa wkoll wieħed mill-eqdem stati fid-dinja, u ġie fondat mill-qaddis San Marinu.


Dan il-pajjiż sovran huwa kompletament iċċirkondat mit-territorju tar-Repubblika tal-Italja, li madankollu ma jappartjenix lilha. San Marino mhuwiex Stat Membru tal-Unjoni Ewropea iżda juża l-ewro bħala munita.


Minn Benjamin Camilleri

  • Facebook
  • Instagram

Isma' Ftit hu mmexxi minn turtle.mt.

Aħna niktbu dwar: ħsibijiet, riflessjonijiet, ġrajjiet kurrenti, arti, kitbiet, tagħlim u stejjer oħra li jnisslu pożittività.

© Isma' Ftit. Kull dritt riservat 2016 - 2021