Ħafna drabi medhija fil-ħajja ta’ kuljum, ninsew dawn l-affarijiet l-aktar importanti

Ħafna drabi, medhija fil-ħajja tagħna ta’ kuljum, ninsew li, lil hinn mill-ħajja impenjattiva li jkollna, mill-kontijiet li rridu nħallsu, mit-telefonati u l-messaġġi li rridu nirrispondu, mill-qadi u x-xogħol ta’ matul il-ġurnata, hemm nies f’ħajjitna li għandhom bżonn l-imħabba, li għandhom bżonn tgħanniqa.

Hemm nies f’ħajjitna li għandna bżonn nagħtu kas il-kisbiet tagħhom u nirrikonoxxu l-pass tagħhom. Għandna bżonn niftakru li ħajjitna hi bħal ġnien li għandu bżonn jissaqqa u jkun protett mill-elementi ħarxa tad-dinja, u dan nistgħu nagħmluh b’dak kollu li l-qalb tista’ tagħti: l-imħabba, l-apprezzament, id-dedikazzjoni u l-onestà.