Imniedi l-vidjow mużikali ġdid ‘Over' ta' BROOKE

Aktar kmieni l-Ġimgħa ġie mniedi l-vidjow mużikali tal-kanzunetta 'Over' ta’ BROOKE.

Brooke tinsab lura fix-xena tal-mużika wara pawża qasira fejn kellha ċ-ċans taħdem iktar fuq materjal ġdid bħala artista. 'Over' hi kanzunetta ġdida u friska fejn turi lil Brooke b'iktar moviment li jħajrek tiżfen u tiċċaqlaq mal-melodija.

Din il-kanzunetta għamlet suċċess tant li tinsab fit-tielet post tal-klassifikazzjoni tal-'BMAT PRS Malta Airplay Charts' wara t-tnedija tal-kanzunetta fit-3 ta' Ġunju.