Skema biex tirrestawra d-dar antika tiegħek jekk tinsab f’żona traffikuża

Dalgħodu tħabbret skema ta’ €2 miljuni sabiex binjiet u djar antiki f’żoni urbani u traffikużi jkunu jistgħu jiġu rrestawrati.

L-iskema tgħodd għar-restawr tal-faċċati ta’ djar antiki f’ċerti toroq fil-lokalitajiet tal-Ħamrun, Santa Venera, Birkirkara, ir-Rabat, Raħal Ġdid, Ħal Tarxien u l-Marsa.

Ir-residenti mhux ser ikollhom joħorġu flus, minħabba li l-kuntrattur ser ikun qed jaħdem direttament mal-Awtorità tal-Ippjanar u ser ikun qed iħallas massimu ta’ €10,000 fuq kull dar.